ಬತ್ತಿ ತಾನುರಿದಿಳೆಗೆ ಬೆಳಕೀವುದೈ ಕೆಳೆಯ
ಎತ್ತಿ ಪಣತಿಯ ಬಣವೆಯಡಿಯೊಳಿಡಲೆಂತು
ಇತ್ತ ಬದುಕಲಿ ಬತ್ತಿ ಬೆಳಕಾಗು ಲೋಕದಾ
ಕತ್ತಲೆಯ ಕಳೆಯೇಳು ಜಾಣಮೂರ್ಖ//
ಈ ಜಗತ್ತಿನಲ್ಲಿ ಬತ್ತಿಯ ಬದುಕು ಧನ್ಯ ! ತಾನು ಉರಿದು ಜಗತ್ತನ್ನು ಬೆಳಗುತ್ತದೆ ಅದು. ಅದೇ ಪಣತಿಯನ್ನೇ ಮತ್ತೊಬ್ಬರ ಹುಲ್ಲಿನ ಬಣವೆಯ ಅಡಿಯಲ್ಲಿ ಒಯ್ದು ಇಟ್ಟರೆ ಇಡೀ ಬಣವೆಯೇ ಸುಟ್ಟು ಭಸ್ಮವಾಗುತ್ತದೆ. ಇದರಲ್ಲಿ ಪಣತಿಯ ತಪ್ಪೇನು !? ಹಾಗೆಯೇ ಬದುಕೂ ಕೂಡ ದುರುಪಯೋಗವಾಗಬಾರದು. ಭಗವಂತ ನೀಡಿದ ಬದುಕಿದು ಒಂದು ಭವ್ಯ ಉಡುಗೊರೆ. ಕಷ್ಟಗಳ ಒಟ್ಟಿಗೇನೇ ಇದ್ದು ನಾವೂ ಬೆಳಗಿ ಜಗತ್ತನ್ನೂ ಬೆಳಗಬೇಕು. ಅಜ್ಞಾನವೆಂಬ ಕತ್ತಲೆಯನ್ನು ಕಳೆಯಬೇಕು. ನಾವೊಂದು ಪ್ರಣತಿಯಾಗಬೇಕು ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
