ದೈವತ್ತ್ವ – ಗುರುತತ್ತ್ವ
ಕಲ್ಲಾದೊಡೇನಂತೆ ಗುಡಿಯೊಳಿಹ ದೇವ ತಾ
ನೆಲ್ಲರಾ ದಿಟ್ಟಿ ತಾ ದೈವತ್ವಕಲ್ತೆ ?
ಎಲ್ಲರಂತಿರೆ ನರನ ರೂಪಿಂದೆ ಗುರುರಾಯ
ಬಲ್ಲಿದನು ನಂಬಿನಡೆ ಜಾಣಮೂರ್ಖ //
ದೇವಾಲಯದಲ್ಲಿರುವ ದೇವನ ವಿಗ್ರಹವು ಕಲ್ಲಿನದೇ ಇರಬಹುದು. ಆದರೆ ದೇವಾಲಯಕ್ಕೆ ಹೋಗುವ ಎಲ್ಲರೂ ನೋಡುವುದು ಆ ವಿಗ್ರಹದಲ್ಲಿರುವ ದೈವತ್ವದ ಕಡೆಗೇ ಹೊರತು ಕಲ್ಲನ್ನಲ್ಲ. ಹಾಗೆಯೇ ಗುರುವು ನಮ್ಮ ನಿಮ್ಮಂತೆ ನರರೂಪಿಂದಲೇ ಇರಬಹುದು ಆದರೆ ನಾವು ನೋಡಬೇಕಿರುವುದು ಗುರುತತ್ತ್ವವನ್ನೇ ಹೊರತು ಗುರುವಿನ ನರಮಾನವ ರೂಪವನ್ನಲ್ಲ ! ಗುರುವಿನಲ್ಲಿ ಏನನ್ನು ನೋಡಬೇಕೆಂಬುದು ಅವರವರ ಸಂಸ್ಕಾರವನ್ನು ಅವಲಂಬಿಸಿರುತ್ತದೆ. ನೋಡುವ , ಗುರ್ತಿಸುವ, ಅವರಿಂದ ಸ್ವೀಕರಿಸುವ , ಗುರುವಿಗೆ ಸಮರ್ಪಿಸುವ ಪ್ರತಿಯೊಂದೂ ಅಂಶವೂ ಸಹ ಉದಾತ್ತವಾಗಿರಬೇಕು. ಭಕ್ತಿಪೂರ್ವಕವಾಗಿರಬೇಕು. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
