ಜನನ ಮರಣದ ಮದ್ದು
ಜಗದ ರೋಗಂಗಳಿಗೆ ಮದ್ದಿಹುದು ದಿಟದಿ ಕೇ
ಳ್ಮಿಗೆ ಜನನ ಮರಣಕ್ಕೆ ಮದ್ದಾವುದಿಹುದು ?
ಯುಗಯುಗಗಳಿಂ ಬಿಡದ ಮಾಯೆಯೊಳ್ಬೀಳದಿರು
ಮಿಗೆಯರಿವೆ ಮದ್ದುಗಾಣ್ ಜಾಣಮೂರ್ಖ//
ಈ ಜಗತ್ತಿನಲ್ಲಿ ಯಾವ ರೋಗವೇ ಬರಲಿ ಅದಕ್ಕೆ ಏನಾದರೊಂದು ಮದ್ದು ಇದ್ದೇ ಇರುವುದು. ಆದರೆ ಈ ಜನನ ಮರಣಂಗಳಿಗೆ ಮದ್ದಿಹುದೇನು? ಹುಟ್ಟುವುದು ! ಹುಟ್ಟಿದ ಮೇಲೆ ನಾನಾ ಕಷ್ಟ ಪರಂಪರೆಗಳಿಗೆ ಈಡಾಗುವುದು, ಬಿಡುಗಡೆಗೆ ಹೇತುವಾದ ನಾಮಜಪವನ್ನು ಬಿಟ್ಟು ಮಾಯೆಯ ಗುಂಗಿನಲ್ಲೇ ಮರಣಿಸುವುದು. ಇದೇ ಆಯಿತು ಯುಗಯುಗಗಳಿಂದಲೂ ! ಜನನ ಮರಣದ ಸಂಕೋಲೆಯಿಂದ ಬಿಡುಗಡೆಯಂತೂ ಸಿಗಲಿಲ್ಲ. ಇದ್ದಕ್ಕೆ ಮದ್ದೆಂದರೆ ಶ್ರೇಷ್ಠವಾದ ಅರಿವು . ಈ ಅರಿವಿನಿಂದ ಜನನ ಮರಣದ ಮಿತಿಯನ್ನು ಮೀರಿ ನಿಜವಾಗಿ ನಾನು ಯಾರು ? ಏಕೆ ಬಂದಿದ್ದೇನೆ ಇಲ್ಲಿ? ನನ್ನ ಕರ್ತವ್ಯವೇನಿಲ್ಲಿ? ಇವೇ ಮೊದಲಾದ ಪ್ರಶ್ನೆಗಳಿಗೆ ಉತ್ತರವನ್ನು ಕಂಡುಕೊಂಡು ಅರಿವಿನ ಮೇರುವಾಗುವುದೇ ಮದ್ದು. ಅಲ್ಲವೇ ಗೆಳೆಯರೇ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
