ತೇನವಿನಾ
ನಾನೆಂಬ ನಚ್ಚಿನೊಳ್ಕಣ್ಬಿಟ್ಟು ಸಾಗಲೇನ್ ?
ನಾನೆಂಬ ಪೊರೆಯಡರಿ ಎಡಹುವುದು ಖಚಿತ
ನೀನೆಂಬ ನಚ್ಚಿಂದ ಕಣ್ಮುಚ್ಚಿ ಸಾಗಿಬಿಡು
ತಾನೆ ಪೊರೆವನೊ ನಿಜದಿ ಜಾಣಮೂರ್ಖ //
ಯಾವುದೇ ಕೆಲಸವನ್ನೂ ನಾನು ಮಾಡುತ್ತಾ ಇದ್ದೀನಿ ಅಂತ ಖಂಡಿತ ಮಾಡಬೇಡಿ. “ತೇನವಿನಾ ತೃಣಮಪಿ ನಚಲತಿ” ಭಗವಂತನ ಆಜ್ಞೆ ಇಲ್ಲದೇ ಒಂದು ಹುಲ್ಲು ಕಡ್ಡಿಯೂ ಅಲುಗಾಡದು. ಈಗ ನಾನು ಮಾಡುತ್ತಿರುವ ಈ ಕೆಲಸಕ್ಕೂ ಭಗವಂತನ ಪ್ರೇರಣೆಯೇ ಮೂಲ ಕಾರಣವೆಂದು ತಿಳಿದು ಕಾರ್ಯವೆಸಗಿ. ನಾನು ಎಂಬ ಭಾವದಲ್ಲಿ ಕಣ್ಬಿಟ್ಟು ನಡೆದರೂ ಎಡವುತ್ತೇವೆ. ಇನ್ನು ‘ನಾನೇ’ ಎಂಬ ಪೊರೆಯಡರಿದರೆ ಎಡವದೇ ಇರುತ್ತೇವೆಯೇ ?ಎಲ್ಲವೂ ನೀನೇ ಎಂಬ ನಂಬಿಕೆಯಿಂದ ಕಣ್ಮುಚ್ಚಿ ನಡೆದರೂ ಸಹ ಅ ನೀನೆಂಬ ದಿವ್ಯ ಶಕ್ತಿ ಬೆಂಬಿಡದೆ ಕಾಯುತ್ತದೆ. ಇದರಲ್ಲಿ ಸಂದೇಹವೇ ಇಲ್ಲ. ಮುಖ್ಯ ನಂಬಿಕೆ ಬೇಕಷ್ಟೆ. ನಂಬಿಕೆ ಬಲು ದೊಡ್ಡದು. ಅದೇ ಇಲ್ಲದ ಮೇಲೆ ಬದುಕುವುದಾದರೂ ಎಂತು !? ಅಲ್ಲವೇ ಗೆಳೆಯರೇ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
