ಕಲ್ಲು ಸಕ್ಕರೆ ಬಣ್ಣದಾಕಾರವೆಂತಿರಲಿ
ಮೆಲ್ಲದನು ಕಣ್ಮುಚ್ಚಿ ಸವಿಯಲಾ ಸಿಹಿಯ !
ಬಲ್ಲೊಡೇಂ ಹೊತ್ತಗೆಯ ಅರಿವದೆಂತಿರಲಿ ಬಿಡು
ತಲ್ಲೀನನಾಗೇಳೊ ಜಾಣಮೂರ್ಖ//
ಕಲ್ಲು ಸಕ್ಕರೆಯನ್ನು ನೋಡಿದ್ದೇವಲ್ಲ ! ಎಷ್ಟು ಸಿಹಿ ! ಅದರ ಬಣ್ಣ ಆಕಾರ ಹೇಗೇ ಇರಲಿ. ಕಣ್ಮುಚ್ಚಿ ಸವಿಯಬೇಕಷ್ಟೆ. ಆಗಲೇ ಅದರ ಸಿಹಿಯ ಸವಿಯ ಅನುಭವವಾಗೋದು. ಹಾಗೇನೇ ನೂರಾರು ಪುಸ್ತಕಗಳನ್ನು ಓದಿಬಿಟ್ಟರಾಯ್ತೆ !? ಆ ಅರಿವನ್ನು ಅನುಭವಿಸೋದು ಬೇಡವೇ !? ಅದರ ಅನುಷ್ಠಾನವಾಗಬೇಕು. ಆ ಜ್ಞಾನದ ಅಗಾಧ ವಾರಿಧಿಯಲ್ಲಿ ಮೀಯಬೇಕು. ಆನಂದಭಾಷ್ಪಗಳ ಸುರಿಸಬೇಕು. ಜಗತ್ತಿನ ಕಷ್ಟ ಸುಖಗಳಿಗೆ ಮಿಡಿಯಬೇಕು. ಈ ಕೆಲಸವಾಗದಿದ್ದರೆ ಅಂತಹಾ ಓದು ವ್ಯರ್ಥವೇ ಸರಿ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
