ಸರಳಮಿರಲೀ ಬಾಳು ಬೆಳಗಲೈ ಚಿಂತನೆಗ
ಳರಳಲೈ ಮನವು ಮಿಗೆ ಕೆರಳದಿರಲಯ್ಯ !
ಸರಳತೆಗೆ ಸಹಿಸದವರುರಿದರುರಿಯಲಿ ಬಿಟ್ಟು
ಶರಣನೊಲು ಬದುಕೇಳು ಜಾಣಮೂರ್ಖ//
ಈ ಜಗತ್ತಿನಲ್ಲಿ ನಾವು ಹೇಗೆ ಬದುಕಿದರೂ ಕಷ್ಟ. ತುಂಬಾ ಸರಳವಾಗಿ ಬದುಕಿದರೆ ಇವನು ಈ ಶತಮಾನಕ್ಕೆ ಲಾಯಕ್ಕಿಲ್ಲದವನೆಂದು ಜರಿಯುತ್ತಾರೆ. ಸ್ವಲ್ಪ ಆಧುನಿಕರಾಗಿ ಬದುಕಿದರಂತೂ-” ನೋಡು ಅವನಿಗೆ ತಲೆಯೇ ನಿಲ್ತಾ ಇಲ್ಲ” ಎನ್ನುತ್ತಾರೆ . ಹೇಗೆ ಬದುಕಬೇಕೋ ಇವರ ನಡುವೆ ! ಭಗವಂತನೇ ಬಲ್ಲ. ಅದಕ್ಕೆ ನಾವು ಸರಳವಾಗಿ ಬದುಕಿ ಉದಾತ್ತವಾಗಿ ಚಿಂತಿಸೋಣ. ಇಂತಹಾ ಸರಳ ಸುಂದರ ಬದುಕನ್ನು ಕಂಡು ಸೈರಿಸದವರು ಕರಳಿದರೆ ಕೆರಳಲಿ. ಅದಕ್ಕೆಲ್ಲಾ ತಲೆ ಕೆಡಿಸಿಕೊಳ್ಳುವುದು ಬೇಡ. ಒಬ್ಬ ಶರಣನಂತೆ ಬದುಕಿಬಿಡೋಣ. ಅನಂತವಾದ ಈ ದೈವ ಸೃಷ್ಟಿಗೆ ಶರಣಾಗಿ ಬದುಕಿದಾಗ ನಾನತ್ವ ನಶಿಸುತ್ತದೆ , ಮನಸ್ಸು ಸಂಸ್ಕಾರಗೊಳ್ಳುತ್ತದೆ , ಆತ್ಮಸಾಕ್ಷಾತ್ಕಾರವಾಗುತ್ತದೆ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
